37 ёшли ҳужумчи Оливье Жиру "Милан" билан янги меҳнат шартномасини имзолаши мумкин, бу ҳақда журналист Николо Скира ижтимоий тармоқлари орқали хабар бермоқда.
"Россонерилар" футболчи билан ҳамкорликни бир йилга узайтирмоқчи. Томонлар ўртасидаги амалдаги шартнома келаси йилнинг ёзида якунига етади.
Шу билан бирга, Оливьеда фаолиятини давом эттириш учун бошқа вариантлар ҳам бор. Уни Франция, МЛС ва Саудия Арабистони жамоалари ўз сафида кўришни хоҳлашади.
Жорий мавсумда тажрибали тўпурар миланликлар сафида 12та ўйинда иштирок этди. Ҳужумчи олтита гол урди ва учта голли узатмани амалга оширди.
