FIFA prezidenti Janni Infantino Liga 1ning 10-turidan o‘rin olgan "Marsel" - "Lion" uchrashuvi oldidan sodir bo‘lgan va o‘yinning bekor qilinishiga sabab bo‘lgan voqeaga munosabat bildirdi.
Eslatib o‘tamiz, "Marsel" muxlislari uy o‘yini oldidan "Lion" klubi avtobusiga tosh otib, bosh murabbiy Fabio Grossoni jarohatlagan edi.
"Futbolda zo‘ravonlikka mutlaqo o‘rin yo‘q, maydonda ham, undan tashqarida ham. Marselda bo‘lib o‘tgan bunday voqealar sportimizda va jamiyatimizda o‘rin yo‘q. Men vakolatli organlarni tegishli choralar ko‘rishga chaqiraman. Futbolda, istisnosiz, har bir kishi ushbu sport turidan bahramand bo‘lish uchun xavfsiz bo‘lishi kerak", - deb post qoldirdi Infantino ijtimoiy tarmoqda.
