Tomas Myullerning "Bavariya" bilan amaldagi shartnomasi 2023/2024 yilgi mavsum oxirigacha amal qiladi. Myunxen klubi sport direktori Kristof Froynd 34 yoshli futbolchining holatiga izoh berdi.
"Myuller jamoaning juda muhim qismi. Kelgusi bir necha hafta ichida muzokaralar olib boramiz, ammo bu ham Tomasning kelajakka oid rejalariga bog‘liq", — dedi Kristof Froynd.
E’tiborli tomoni, Tomas Myuller butun faoliyatini "Bavariya"da o‘tkazdi. Klub uchun 676 uchrashuvda hujumchi 236 gol urgan va jamoadoshiga 261 golli uzatma bergan.
"Bavariya" ayni damda Bundesliga turnir jadvalida ikkinchi o‘rinda bormoqda.