Томас Мюллернинг "Бавария" билан амалдаги шартномаси 2023/2024 йилги мавсум охиригача амал қилади. Мюнхен клуби спорт директори Кристоф Фройнд 34 ёшли футболчининг ҳолатига изоҳ берди.
"Мюллер жамоанинг жуда муҳим қисми. Келгуси бир неча ҳафта ичида музокаралар олиб борамиз, аммо бу ҳам Томаснинг келажакка оид режаларига боғлиқ", — деди Кристоф Фройнд.
Эътиборли томони, Томас Мюллер бутун фаолиятини "Бавария"да ўтказди. Клуб учун 676 учрашувда ҳужумчи 236 гол урган ва жамоадошига 261 голли узатма берган.
"Бавария" айни дамда Бундеслига турнир жадвалида иккинчи ўринда бормоқда.
