«Chelsi» himoyachisi Tyago Silva kelajagi haqida fikr bildirdi. 39 yoshli braziliyalikning London klubi bilan amaldagi shartnomasi 2023/2024 yilgi mavsum oxirigacha amal qiladi.
«Faoliyatimning yakuni yaqinlashib bormoqda va bu oson emas. Siz qachon va qaysi klubda faoliyatni yakunlamoqchi ekanligingizni o‘ylab ko‘rishingiz kerak.
Hozir bor e’tiborimni «Chelsi» bilan shartnomamning so‘nggi yilidan zavq olishga qaratganman. Kelgusi yil nima bo‘lishini bilmayman, lekin faoliyatimdan juda mamnunman», - dedi Silva Sky nashriga.
Tyago Silva 2020 yil avgust oyi oxiridan beri «Chelsi»da o‘ynamoqda. Braziliyalik futbolchi klub safida 127 ta o‘yinda maydonga tushib, 5 ta gol urdi va jamoadoshlariga 4 ta golli uzatmani amalga oshirdi.
