«Челси» ҳимоячиси Тьяго Силва келажаги ҳақида фикр билдирди. 39 ёшли бразилияликнинг Лондон клуби билан амалдаги шартномаси 2023/2024 йилги мавсум охиригача амал қилади.
«Фаолиятимнинг якуни яқинлашиб бормоқда ва бу осон эмас. Сиз қачон ва қайси клубда фаолиятни якунламоқчи эканлигингизни ўйлаб кўришингиз керак.
Ҳозир бор эътиборимни «Челси» билан шартномамнинг сўнгги йилидан завқ олишга қаратганман. Келгуси йил нима бўлишини билмайман, лекин фаолиятимдан жуда мамнунман», - деди Силва Sky нашрига.
Тьяго Силва 2020 йил август ойи охиридан бери «Челси»да ўйнамоқда. Бразилиялик футболчи клуб сафида 127 та ўйинда майдонга тушиб, 5 та гол урди ва жамоадошларига 4 та голли узатмани амалга оширди.
