Germaniya futboli afsonasi Lotar Matteusning fikricha, «Manchester Siti» hujumchisi Erling Xoland 2022/23 yilgi mavsum yakunida «Oltin to‘p»ni olishga Messidan ko‘ra ko‘proq loyiq edi.
«Xoland butun mavsumda Messidan yaxshiroq o‘ynadi. Bu mukofot noloyiq berildi va jahon chempionatida g‘alaba qozonish hamma narsadan muhimroq ekanligini isbotlaydi.
Men uchun so‘nggi 12 oy ichida hech kim Xolanddan yaxshiroq bo‘lmagan. U «Siti» bilan muhim unvonlarni qo‘lga kiritdi va eng ko‘p gol urish bo‘yicha rekord o‘rnatdi.
Messining g‘alabasi noloyiq bo‘ldi. Biroq men doim Leoga muxlislik qilganman», - deya Matteusning so‘zlarini keltiradi Football Italia.