Германия футболи афсонаси Лотар Маттеуснинг фикрича, «Манчестер Сити» ҳужумчиси Эрлинг Холанд 2022/23 йилги мавсум якунида «Олтин тўп»ни олишга Мессидан кўра кўпроқ лойиқ эди.
«Холанд бутун мавсумда Мессидан яхшироқ ўйнади. Бу мукофот нолойиқ берилди ва жаҳон чемпионатида ғалаба қозониш ҳамма нарсадан муҳимроқ эканлигини исботлайди.
Мен учун сўнгги 12 ой ичида ҳеч ким Холанддан яхшироқ бўлмаган. У «Сити» билан муҳим унвонларни қўлга киритди ва энг кўп гол уриш бўйича рекорд ўрнатди.
Мессининг ғалабаси нолойиқ бўлди. Бироқ мен доим Леога мухлислик қилганман», - дея Маттеуснинг сўзларини келтиради Football Italia.