Madridning "Real" klubi "Santyago Bernabeu”ni rekonstruksiya qilish uchun yana kredit oladi.
Marca nashri xabariga ko‘ra, yangi kredit summasi 375 million yevro, muddati 30 yil, yillik 4,7 foiz bo‘ladi. Bu mablag‘lar avtoturargohlarni jihozlash, stadion va uning atrofini obodonlashtirishga yo‘naltiriladi. Qo‘shimcha xarajatlar ham qisman inflyasiya bilan bog‘liq.
Ma’lum qilinishicha, 11 noyabr kuni bo‘lib o‘tadigan yillik umumiy yig‘ilishda o‘tgan moliyaviy yil hisobotlari va joriy mavsum byudjeti taqdim etiladi, unda "Real" direktorlar kengashi yangi kreditni tasdiqlashni so‘raydi.
"Real Madrid" avvalroq "Santyago Bernabeu"ni rekonstruksiya qilish uchun ikki marta kredit olgan. Kreditlarning umumiy miqdori 800 million yevroni tashkil etdi. Birinchi kredit arena infratuzilmasi bilan bog‘liq ishlarni moliyalashtirish uchun 575 million yevro, ikkinchisi maydon uchun "issiqxona" qurishga 225 million yevro miqdorida olingan.
