Lissabonning «Sporting» klubi markaziy himoyachisi Gonsalo Inasiu «Real»ning transfer maqsadiga aylandi.

Bir necha kun avval ma’lum bo‘lganidek, «qirollik klubi» 22 yoshli futbolchiga Angliyaning «Liverpul» va «Manchester Yunayted» klublari bilan birgalikda da’vogarlik qilmoqda. Diario AS'ning yangilangan ma’lumotlariga ko‘ra, «Real Madrid» himoyadagi kadrlar bilan bog‘liq muammolarni hisobga olib, yanvar oyidayoq portugaliyalikni sotib olishga urinishi mumkin.

Transfermarkt mutaxassislari Gonsalo Inasiuning narxini 30 million yevroga baholamoqda, uning shartnomasidagi tovon puli esa 60 millionni tashkil etadi.

Joriy mavsumda futbolchi «Sporting»ning 13ta uchrashuvida birorta ham gol urmagan.