Лиссабоннинг «Спортинг» клуби марказий ҳимоячиси Гонсало Инасиу «Реал»нинг трансфер мақсадига айланди.
Бир неча кун аввал маълум бўлганидек, «қироллик клуби» 22 ёшли футболчига Англиянинг «Ливерпул» ва «Манчестер Юнайтед» клублари билан биргаликда даъвогарлик қилмоқда. Diario AS'нинг янгиланган маълумотларига кўра, «Реал Мадрид» ҳимоядаги кадрлар билан боғлиқ муаммоларни ҳисобга олиб, январь ойидаёқ португалияликни сотиб олишга уриниши мумкин.
Transfermarkt мутахассислари Гонсало Инасиунинг нархини 30 миллион еврога баҳоламоқда, унинг шартномасидаги товон пули эса 60 миллионни ташкил этади.
Жорий мавсумда футболчи «Спортинг»нинг 13та учрашувида бирорта ҳам гол урмаган.
