"Manchester Yunayted" markaziy himoyachisi Rafael Varan "Nyukasl"ga qarshi o‘yinda maydonga tushmadi.
Fransiyalik futbolchi yaqinda "Manchester Siti" bilan bo‘lib o‘tgan derbini (0:3) zaxira o‘rindig‘ida tomosha qildi va bugungi Liga kubogi o‘yinida u umuman tarkibga kiritilmadi. Insayder Fabrisio Romanoning xabar berishicha, 30 yoshli futbolchi kasallik tufayli maydonga tushmayapti.
Rafael Varan joriy mavsumda “qizil iblislar” safida 9 ta o‘yinda ishtirok etdi.