"Манчестер Юнайтед" марказий ҳимоячиси Рафаэль Варан "Ньюкасл"га қарши ўйинда майдонга тушмади.
Франциялик футболчи яқинда "Манчестер Сити" билан бўлиб ўтган дербини (0:3) захира ўриндиғида томоша қилди ва бугунги Лига кубоги ўйинида у умуман таркибга киритилмади. Инсайдер Фабрицио Романонинг хабар беришича, 30 ёшли футболчи касаллик туфайли майдонга тушмаяпти.
Рафаэль Варан жорий мавсумда “қизил иблислар” сафида 9 та ўйинда иштирок этди.