«Katta dubulg‘a» turkumiga kiruvchi turnirlarning 24 karra chempioni, dunyoning birinchi raqamli tennischisi, serbiyalik Novak Jokovich bir yarim oy ichida birinchi marta intervyu berdi.
Parijdagi (Fransiya) «Masters»ning ikkinchi davrasida Jokovich (1) dunyoning 31-raketkasi argentinalik Tomas Martin Etcheverini 6:3, 6:2 hisobida mag‘lub etdi.
«Men mamnunman. O‘ylaymanki, muhim daqiqalarda yaxshi o‘ynadim. Kordda raqibimga turli xil variantlarni taklif qilishda davom etdim. Menimcha, bu menga birinchi setda breyk qilishimga imkon berdi.
Mening eyslarimda pasayishlar bor edi. Uchrashuvning ba’zi qismlari juda zo‘r o‘tdi, boshqa paytlarda ritmni yo‘qotib qo‘ydim.
Lekin uzoq vaqt davomida rasmiy o‘yinlarda ishtirok etmasangiz, biroz formadan chiqib ketish normal holat deb o‘ylayman. Ammo bu faol rivojlanayotgan raqib ustidan ikki setdagi g‘alaba va katta yutuqni anglatadi.
Atrofimdagilar har doim shuncha hafta o‘ynamaslik xavfli ekanligini aytishadi va men buni tushunaman.
O‘yin oldidan juda katta tajribaga qaramay asabiylashdim. Ammo zarbalarimni to‘g‘rilash uchun vaqt kerak, men birinchi set oxirida muvaffaqiyatga erisha boshladim va bu ajoyib bo‘ldi», - deya Jokovichning so‘zlarini keltiradi ATP matbuot xizmati.
