"Brayton" 33 yoshli darvozabon Jeyson Stil bilan hamkorlikni uzaytirishga erishdi. Bu haqda ingliz klubi matbuot xizmati xabar berdi. Darvozabonning “chayqalar” bilan yangi shartnomasi 2026 yilning iyun oyi oxirigacha amal qiladi.
"Men Jeyson uchun juda xursandman. U ajoyib futbolchi. Uning munosabati, yetakchiligi va har kuni bu klubga olib keladigan narsalari bu yerda o‘tkazgan faoliyati davomida bizning taraqqiyotimizning katta qismi bo‘ldi", - dedi "Brayton" bosh murabbiyi Roberto De Dzerbi klub matbuot xizmatiga.
Stil "Brayton"da besh yil (2018 yildan beri) o‘ynamoqda. Joriy mavsumda darvozabon barcha turnirlarda “chayqalar” safida to‘qqizta o‘yin o‘tkazib, 17 ta gol o‘tkazib yuborgan. Futbolchining ingliz klubi bilan avvalgi shartnomasi 2025 yilning iyun oyi oxirigacha amalda edi. Transfermarkt portaliga ko‘ra futbolchining taxminiy narxi 4 million yevroni tashkil qiladi.
Oldinroq "Brayton" "Galatasaroy" himoyachisi Sasha Boga qiziqish bildirayotgani haqida xabarlar tarqalgan edi.
