«Tottenxem» bosh murabbiyi Anje Postekoglu ketma-ket uchinchi marta Angliya premyer-ligasida oyning eng yaxshi murabbiyi nomiga nomzod bo‘ldi. U avvalgi ikki oyda ham ushbu sovrinni qo‘lga kiritgan edi.
Oktyabr oyida «Tottenxem» chempionatda uchta o‘yin o‘tkazdi va uchta g‘alaba qozondi: «Fulxem»ni o‘z maydonida (2:0) va safarda «Luton»ni (1:0) va «Kristal Pelas»ni (2:1) yutdi. Boshqa hech bir jamoa buni uddalay olmagandi.
Eslatib o‘tamiz, 9-turdan so‘ng Postekoglu boshchiligidagi londonliklar to‘qqiz o‘yinda 23 ochko jamg‘argandi.
Bu ko‘rsatkich murabbiy sifatida Angliya premyer-ligasi tarixidagi eng yaxshi start bo‘ldi. Avstraliyalik bu ko‘rsatkich bo‘yicha Gus Xiddink (22) va Maykl Uoker (22) kabi mutaxassislardan o‘zib ketdi.
Ayni damda «shporlar» 10 turdan so‘ng 26 ochko jamg‘arib, «Manchester Siti» va «Arsenal»dan ikki ochko oldinda bo‘lib, Angliya chempionati turnir jadvalida peshqadamlik qilmoqda.
