«Тоттенхэм» бош мураббийи Анже Постекоглу кетма-кет учинчи марта Англия премьер-лигасида ойнинг энг яхши мураббийи номига номзод бўлди. У аввалги икки ойда ҳам ушбу совринни қўлга киритган эди.
Октябрь ойида «Тоттенхэм» чемпионатда учта ўйин ўтказди ва учта ғалаба қозонди: «Фулхэм»ни ўз майдонида (2:0) ва сафарда «Лутон»ни (1:0) ва «Кристал Пэлас»ни (2:1) ютди. Бошқа ҳеч бир жамоа буни уддалай олмаганди.
Эслатиб ўтамиз, 9-турдан сўнг Постекоглу бошчилигидаги лондонликлар тўққиз ўйинда 23 очко жамғарганди.
Бу кўрсаткич мураббий сифатида Англия премьер-лигаси тарихидаги энг яхши старт бўлди. Австралиялик бу кўрсаткич бўйича Гус Хиддинк (22) ва Майкл Уокер (22) каби мутахассислардан ўзиб кетди.
Айни дамда «шпорлар» 10 турдан сўнг 26 очко жамғариб, «Манчестер Сити» ва «Арсенал»дан икки очко олдинда бўлиб, Англия чемпионати турнир жадвалида пешқадамлик қилмоқда.
