"Roma" afsonasi Franchesko Totti Rim klubiga qaytishni istashini ta’kidladi. Shuningdek, u Joze Mourinyoni dunyoning eng yaxshi murabbiyi deb bilishini qo‘shimcha qildi.
“Men “Roma”ga qaysidir rolda qaytishni istardim. Shuningdek, Mourinyo bilan ishlashni istardim, u birinchi raqamli, men uni juda hurmat qilaman. Faoliyatimda u bilan ishlamaganimdan afsusdaman. "Roma" agar menga jiddiy masalalarda kerak bo‘lsa, men ularga yordam berishdan xursand bo‘lishimni biladi.
Men hamma narsani sog‘indim. Konsentrasiya, kiyinish xonasi, futbolka, massaj xonasi... bu mening hayotim edi. Jamoadoshlar bilan bar va qahva, stadionga avtobusda sayohat. Men o‘nlab yillar davomida hayotimni belgilab bergan tartibni sog‘indim", - deya Tottining so‘zlarini keltiradi AS.
Totti butun futbolchilik faoliyatini "Roma"da o‘tkazgan. U 1993 yildan buyon jamoada o‘ynagan - 785 o‘yin, 307 gol va 209 golli uzatma. Faoliyatini yakunlab, bir yil klub tarkibida ishladi va 2018 yilda “Roma”ni tark etdi.
