"Рома" афсонаси Франческо Тотти Рим клубига қайтишни исташини таъкидлади. Шунингдек, у Жозе Моуриньони дунёнинг энг яхши мураббийи деб билишини қўшимча қилди.

“Мен “Рома”га қайсидир ролда қайтишни истардим. Шунингдек, Моуриньо билан ишлашни истардим, у биринчи рақамли, мен уни жуда ҳурмат қиламан. Фаолиятимда у билан ишламаганимдан афсусдаман. "Рома" агар менга жиддий масалаларда керак бўлса, мен уларга ёрдам беришдан хурсанд бўлишимни билади.

Мен ҳамма нарсани соғиндим. Концентрация, кийиниш хонаси, футболка, массаж хонаси... бу менинг ҳаётим эди. Жамоадошлар билан бар ва қаҳва, стадионга автобусда саёҳат. Мен ўнлаб йиллар давомида ҳаётимни белгилаб берган тартибни соғиндим", - дея Тоттининг сўзларини келтиради AS.

Тотти бутун футболчилик фаолиятини "Рома"да ўтказган. У 1993 йилдан буён жамоада ўйнаган - 785 ўйин, 307 гол ва 209 голли узатма. Фаолиятини якунлаб, бир йил клуб таркибида ишлади ва 2018 йилда “Рома”ни тарк этди.