Hujumchi Rodrigo "Real" bilan shartnomani uzaytirish borasidagi his-tuyg‘ulari bilan o‘rtoqlashdi.

"Xudoga, oilamga, do‘stlarimga, muxlislarga va klub bilan aloqador barchaga rahmat aytaman. 2021 yildan 2028 yilgacha "Real Madrid" safidaman. Oldinda bizni juda ko‘p hikoyalar kutib turibdi. "Real", men seni sevaman!" — deb yozdi futbolchi ijtimoiy tarmoqda.

22 yoshli braziliyalikning yangi shartnomasi 2028 yilgacha mo‘ljallangan. Avvalgi kelishuv muddati 2025 yilda yakuniga yetardi.

Rodrigo 2019 yildan beri "Real"da o‘ynab kelmoqda. O‘shandan beri u "Qirollik klubi" tarkibida 179 ta o‘yin o‘tkazib, 39 ta gol urgan va 33 ta golli uzatmani amalga oshirgan. Transfermarkt portali futbolchining narxini 100 million yevroga baholamoqda.