«Barselona» bosh murabbiyi Xavi «Real»ga qarshi o‘yindan (1:2) keyin «ko‘k-anorranglilar» yarim himoyachisi Ilkay Gyundoganning gapiga izoh berdi.

«Gyundoganning so‘zlari? Bu yerda hammamiz g‘alaba qozonishni istaymiz va uning aytganlariga hammamiz qo‘shilamiz.

Biz «Barsa»miz va bu nimani anglatishini bilamiz. Gyundoganning madaniyati boshqacha. Bir necha kun oldin «Bavariya» mag‘lubiyat alamini totib ko‘rdi va Myuller unchalik yaxshi o‘ynamagan edi va o‘zlarini yaxshilashi kerakligini aytdi. Bu ularning mentaliteti», - deya Xavining so‘zlarini keltiradi BarcaTimes.

Eslatib o‘tamiz, «Real» bilan o‘yindan keyin (1:2) «Barselona» yarim himoyachisi Gyundogan jamoadoshlarini emosionallik yo‘qligi uchun tanqid qilgan edi.

Germaniyalik yarim himoyachi bunday mag‘lubiyatlardan keyin jamoaning kiyinish xonasida «ko‘proq g‘azab va umidsizlikni ko‘rishni» istashini aytdi.