"PSJ" markaziy himoyachisi Markinyos g‘alaba qozongan o‘yinlar bo‘yicha klub rekordchisiga aylandi.
Parijliklar sardori Liga 1ning 11-turidan o‘rin olgan “Monpelye”ga qarshi o‘yinda jamoaning g‘alaba qozonishiga yordam berdi – 3:0. Opta xabariga ko‘ra, braziliyalik uchun bu g‘alaba "PSJ" uchun barcha turnirlardagi 300-g‘alaba bo‘ldi - bungacha klubning hech bir futbolchisi bu ko‘rsatkichga erishmagan edi.
Markinyos Italiyaning “Roma” klubidan 2013 yilda ko‘chib o‘tganidan beri “PSJ”da o‘ynab kelmoqda. 29 yoshli futbolchi Fransiya futbol giganti tarkibida 419 ta o‘yinda 38 ta gol va 10 ta golli uzatmaga mualliflik qilgan.
