"Paxtakor" futbol klubi Osiyo futbol konferensiyasi tomonidan 10000$ jarimaga tortildi.

Ayblov ikkita: 

1. Muxlislarning o‘zini tutishi;
2. O‘yin tashkil qilishda kamchiliklar (ya’ni muxlis chiqib ketishida yo‘l qo‘yilgan xato).

Bir necha kun oldin PFL "Neftchi"ni jazolaganda "muxlislar uchun ham klub javob beradimi?" degan gaplar yozilgan edi. Ko‘rib turganingizdak, butun dunyoda muxlislar uchun doim klub javob berib kelgan.

Vaqtida ish shu darajaga yetib borganki, ayrim davlatlarda chempionlik uchun kurashayotgan jamoalar o‘zaro to‘qnashuv oldidan yollanma odamlarni ishga solib, muxlis sifatida janjal chiqarishni yo‘lga qo‘yishgan. Ya’ni, o‘zaro to‘qnashuv oldidan atay janjallar chiqarishadi. O‘zaro to‘qnashuvda esa haligi jamoa o‘yinni muxlislarsiz o‘tkazadi.

O‘zbeklarlarga tekkan kasal bor. Nafaqat muxlis, balki har qanday O‘zbek doim VIPga intilaveradi. Kirish mumkin bo‘lmagan zonalarda yurgisi keladimi ey.

Bu vaziyatda, bu-ku muxlis. Yaqinda bir jurnalist o‘yin tugashi bilan farzandini olib maydonni o‘rtasiga tushib, rasmga tushib yuribti. O‘yin komissari esa bu narsani rasmga olib olyapti va  "raport yozaman" deb turibti.  Unga esa farqi yo‘q, jamoani shtrafga tortishadimi-yo‘qmi. OFKda bir talab bor. O‘yin bo‘ladigan stadionning zonalarida o‘yinga taalluqli bo‘lgan insonlardan boshqa hech kim bo‘lmasligi kerak. Shu talabni buzdingmi, marhamat jarima qabul qilib olaver.

Maydonga yugurib chiqayotgan muxlis ham bekordan bekorga bu ishni qilmaydi. Buni ortida yoki totalizator turadi yoki garov.

Shu ishni qilayotganlarni sudga berib bemalol zararni qoplab oldirsa bo‘ladi.

Klublar bunday ishlarga jim qarab turmasliklari kerak. Bir ikki marta shunday qilinsa keyingi gal total ham, garov ham o‘ynamaydigan bo‘ladi.

Ravshan Salimov.