"Manchester Yunayted" vingeri Jeydon Sancho yanvarda jamoani tark etishi mumkin.
Angliyalik futbolchi “qizil iblislar”ning asosiy tarkibidan bosh murabbiy Erik ten Xag bilan mojaro tufayli chetlashtirildi. Ko‘plab mish-mishlarga ko‘ra, klub rahbariyati takliflar tushsa, 23 yoshli futbolchini yanvar oyida qo‘yib yuborishga tayyor.
Ayni damda Sanchoga da’vogarlar orasida "Yuventus", "Fenerbaxche" va "Galatasaroy" bor - har uchala klub ham ijara variantini ko‘rib chiqmoqda. Biroq, agar ten Xag klubdan ketsa, Jeydon "Yunayted"ga qaytishi mumkin.