"Jirona"ning markaziy hujumchisi Artyom Dovbik Italiya grandlaridan birining manfaatlari doirasiga tushib qoldi. Todofichajes xabariga ko‘ra, 26 yoshli forvardning transferiga Milanning "Inter" klubi qiziqmoqda.

Dovbik o‘tgan yozda "Dnepr-1"dan 7,7 million yevro evaziga "Jirona" futbolchisiga aylandi. Ukrainalik futbolchi bilan 2028 yilning iyun oyi oxirigacha uzoq muddatli mehnat shartnomasi imzolangan. Uning transfer narxi 15 million yevroga baholanmoqda.

Ispaniya chempionatining joriy mavsumida Dovbik “Jirona” safida 11 ta o‘yin o‘tkazib, 5 ta gol va 2 ta golli uzatmani amalga oshirdi.