"Жирона"нинг марказий ҳужумчиси Артём Довбик Италия грандларидан бирининг манфаатлари доирасига тушиб қолди. Todofichajes хабарига кўра, 26 ёшли форварднинг трансферига Миланнинг "Интер" клуби қизиқмоқда.
Довбик ўтган ёзда "Днепр-1"дан 7,7 миллион евро эвазига "Жирона" футболчисига айланди. Украиналик футболчи билан 2028 йилнинг июн ойи охиригача узоқ муддатли меҳнат шартномаси имзоланган. Унинг трансфер нархи 15 миллион еврога баҳоланмоқда.
Испания чемпионатининг жорий мавсумида Довбик “Жирона” сафида 11 та ўйин ўтказиб, 5 та гол ва 2 та голли узатмани амалга оширди.
