Hozirda faoliyat olib borayotgan, jahon futbolidagi eng yoshi ulug‘ murabbiy - 78 yoshli ruminiyalik Mircha Luchesku murabbiylik faoliyatini yakunladi.
Jahon futbolida top jamoalar bilan eng nufuzli sovrinlarni qo‘lga kiritgan Gvardiola yoki Anchelotti kabi murabbiylar har doim e’tibor markazida bo‘lib kelishgan. Lekin o‘rtamiyona jamoalar bilan grandlarni mag‘lub etadigan Luchesku kabi murabbiylarni ko‘pchilik uncha eslamaydi.
Demak, Lucheskuning 44 yillik murabbiylik faoliyatidan e’tiborga molik faktlar:
- "Galatasaray" boshqaruvida "Real Madrid"ni mag‘lub etgan holda UYEFA Superkubogini qo‘lga kiritgan (2000);
- "Shaxtyor (Donesk)" boshqaruvida UYEFA kubogini (2008/09) va 9 marta Ukraina chempionligini qo‘lga kiritgan;
- "Shaxtyor (Donesk)" boshqaruvida 2 marta "Barselona"ni mag‘lub etgan bo‘lsa, "Galatasaray" murabbiyligida 2 marta "Real Madrid" taslim etilgan.
Shuningdek, Luchesku braziliyalik talantlarni kashf etish bo‘yicha ham tengsiz hisoblanadi. Uning qo‘l ostida quyidagi braziliyaliklar Yevropa futbolida nom qozonishgan:
- Jilberto ("Inter", 1998);
- Mario Jardel ("Galatasaray", 2000);
- Jadson ("Shaxtyor", 2004);
- Elano ("Shaxtyor", 2005);
- Fernandinyo ("Shaxtyor", 2005);
- Luis Adriano ("Shaxtyor", 2007);
- Ilsinyo ("Shaxtyor", 2007);
- Villian ("Shaxtyor", 2007);
- Duglas Kosta ("Shaxtyor", 2009);
- Bernard ("Shaxtyor", 2013);
- Tayson ("Shaxtyor", 2013);
- Fred ("Shaxtyor", 2013).
