"Barselona" markaziy himoyachisi Ronald Arauxo jamoasining "Real Sosyedad" ustidan qozonilgan g‘alabasi (1:0) haqida fikr bildirdi.
Arauxoning 92-daqiqada kiritgan goli evaziga “blaugrana” mehmonda ustunlikka erishdi.
“Bugun qiyin bo‘lishini bilardik. "El-klasiko"da mag‘lub bo‘lganimizdan so‘ng muhim uch ochkoni qo‘lga kiritishga muvaffaq bo‘ldik.
"Real Sosyedad" yaxshi o‘ynadi, ular juda yaxshi jamoa. Ba’zida har qanday holatda ham g‘alaba qozonish kerak bo‘lgan o‘yinlar bo‘ladi va bugun shunday bo‘ldi. Birinchi bo‘limda unchalik yaxshi ko‘rinmadik, ammo tanaffusdan keyin o‘zimizni yaxshiladik", - deya yagona gol muallifidan iqtibos keltiradi Barca Universal.
