"Барселона" марказий ҳимоячиси Рональд Араухо жамоасининг "Реал Сосьедад" устидан қозонилган ғалабаси (1:0) ҳақида фикр билдирди.
Араухонинг 92-дақиқада киритган голи эвазига “блауграна” меҳмонда устунликка эришди.
“Бугун қийин бўлишини билардик. "Эл-класико"да мағлуб бўлганимиздан сўнг муҳим уч очкони қўлга киритишга муваффақ бўлдик.
"Реал Сосьедад" яхши ўйнади, улар жуда яхши жамоа. Баъзида ҳар қандай ҳолатда ҳам ғалаба қозониш керак бўлган ўйинлар бўлади ва бугун шундай бўлди. Биринчи бўлимда унчалик яхши кўринмадик, аммо танаффусдан кейин ўзимизни яхшиладик", - дея ягона гол муаллифидан иқтибос келтиради Barca Universal.