Italiya chempionatining 11-turidan o‘rin olgan uchrashuvda "Milan" yana omadsizlikka uchradi – Stefano Pioli shogirdlari o‘z maydonida "Udineze"ga imkoniyatni boy berishdi. Ushbu uchrashuvda maydonga tushgan Alessandro Florensi "Milan"ning ayni damdagi asosiy muammosini aytib o‘tdi. Unga ko‘ra, jamoa... g‘alaba qozona olmayapti.
"Muammo shundaki, biz g‘alaba qozona olmayapmiz. "Milan" to‘rtta o‘yinda g‘alaba qozona olmayapti, bu juda ko‘p. Rostini aytsam, bu yaxshi vaqt emas. Lekin avvallari yopilgan jamoalar bilan ham muammolarimiz bor edi. Jarima maydonchasi tashqarisida o‘ynay oladigan Pulishich va Chukvuyezening yo‘qligi ham bilinyapti" - dedi Florensi pianetamilan.it bilan suhbatda.
