Италия чемпионатининг 11-туридан ўрин олган учрашувда "Милан" яна омадсизликка учради – Стефано Пиоли шогирдлари ўз майдонида "Удинезе"га имкониятни бой беришди. Ушбу учрашувда майдонга тушган Алессандро Флоренци "Милан"нинг айни дамдаги асосий муаммосини айтиб ўтди. Унга кўра, жамоа... ғалаба қозона олмаяпти.
"Муаммо шундаки, биз ғалаба қозона олмаяпмиз. "Милан" тўртта ўйинда ғалаба қозона олмаяпти, бу жуда кўп. Ростини айтсам, бу яхши вақт эмас. Лекин авваллари ёпилган жамоалар билан ҳам муаммоларимиз бор эди. Жарима майдончаси ташқарисида ўйнай оладиган Пулишич ва Чуквуезенинг йўқлиги ҳам билиняпти" - деди Флоренци pianetamilan.it билан суҳбатда.
