"Bavariya"ning chap qanot himoyachisi Alfonso Devis "Real"ga o‘tish niyatida.
23 yoshli futbolchiga ispan grandi anchadan beri qiziqish bildirgan, ammo "Bavariya" kanadalik futbolchini qo‘yib yuborishni istamayapti. Diario AS'ning yangilangan ma’lumotlariga ko‘ra, Myunxen rahbariyatiga Devisni saqlab qolish juda qiyin bo‘ladi, chunki u hozir faoliyatini "Real Madrid"da davom ettirish fikriga qat’iy sodiq. Transfer mavsum oxirida amalga oshishi mumkin.
Transfermarkt ekspertlari Alfonso Devisning transfer qiymatini 70 million yevroga baholamoqda. Uning "Bavariya" bilan amaldagi shartnomasi 2025 yilning o‘rtalariga qadar tuzilgan.
