"Бавария"нинг чап қанот ҳимоячиси Альфонсо Дэвис "Реал"га ўтиш ниятида.
23 ёшли футболчига испан гранди анчадан бери қизиқиш билдирган, аммо "Бавария" канадалик футболчини қўйиб юборишни истамаяпти. Diario AS'нинг янгиланган маълумотларига кўра, Мюнхен раҳбариятига Дэвисни сақлаб қолиш жуда қийин бўлади, чунки у ҳозир фаолиятини "Реал Мадрид"да давом эттириш фикрига қатъий содиқ. Трансфер мавсум охирида амалга ошиши мумкин.
Transfermarkt экспертлари Альфонсо Дэвиснинг трансфер қийматини 70 миллион еврога баҳоламоқда. Унинг "Бавария" билан амалдаги шартномаси 2025 йилнинг ўрталарига қадар тузилган.