Bugun Qarshi shahridagi «Markaziy» o‘yingohda «Nasaf» — «Sharja» uchrashuvidan oldin miting bo‘lib o‘tdi. Yig‘ilishda ertangi bellashuvga oid tashkiliy masalalar ko‘rib chiqildi.
«Nasaf» ertangi bahsa to‘liq ko‘k rangli liboslardan, «Sharja» esa to‘liq oq rangli liboslardan foydalanishi kelishib olindi.
Ushbu bellashuv oldidan rasmiy tadbirlar rejasi bilan tanishing:
- 5 noyabr kuni soat 11:00 da har ikkala jamoa vakillari hamda uchrashuv rasmiylari ishtirokida miting;
- Soat 17:30 da «Sharja» jamoasi vakillari ishtirokida o‘yin oldi matbuot anjumani bo‘lib o‘tadi;
- 18:00 da «Sharja» jamoasining o‘yin oldi rasmiy mashg‘uloti bo‘lib o‘tadi;
- Soat 18:30 da jamoamiz vakillari ishtirokida o‘yin oldi matbuot anjumani;
- 19:15 da «Nasaf» jamoasining o‘yin oldi rasmiy mashg‘uloti bo‘lib o‘tadi.
