Бугун Қарши шаҳридаги «Марказий» ўйингоҳда «Насаф» — «Шаржа» учрашувидан олдин митинг бўлиб ўтди. Йиғилишда эртанги беллашувга оид ташкилий масалалар кўриб чиқилди.

«Насаф» эртанги баҳса тўлиқ кўк рангли либослардан, «Шаржа» эса тўлиқ оқ рангли либослардан фойдаланиши келишиб олинди.

Ушбу беллашув олдидан расмий тадбирлар режаси билан танишинг:

- 5 ноябрь куни соат 11:00 да ҳар иккала жамоа вакиллари ҳамда учрашув расмийлари иштирокида митинг;

- Соат 17:30 да «Шаржа» жамоаси вакиллари иштирокида ўйин олди матбуот анжумани бўлиб ўтади;

- 18:00 да «Шаржа» жамоасининг ўйин олди расмий машғулоти бўлиб ўтади;

- Соат 18:30 да жамоамиз вакиллари иштирокида ўйин олди матбуот анжумани;

- 19:15 да «Насаф» жамоасининг ўйин олди расмий машғулоти бўлиб ўтади.