Angliya chempionatining 11-turida “Nyukasl” o‘z maydonida “Arsenal”ni mag‘lub etdi.
"Qarg‘alar"ning o‘yindagi yagona goli 64-daqiqada, Entoni Gordon tomonidan Joelintonning boshi bilan uzatgan uzatmasidan so‘ng kiritildi.
Ajablanarlisi shundaki, bosh hakam Styuart Atvellning videoyordamchilari gol urilgan vaziyatda birdaniga uchta qoida buzilishini tekshirib ko‘rishdi. Avvaliga Uillok to‘pni maydon tashqarisida to‘xtatib olgan, deb gumon qilindi:
Bu savolga javob topilgach navbatdagi masala ko‘ndalang tashlandi, Joelinton to‘p uchun kurashda Gabriel Magalyansni itarib yuborganmidi? Bu orqadan itarib yuborishga juda o‘xshardi, ammo VAR jamoasi hech qanday qoidabuzarlik yo‘q deb hisobladi.
Nihoyat, hujumning so‘nggi bosqichi ham ofsayd uchun tekshirildi. Shundan so‘ng "Sent-Jeyms Park"ga yig‘ilgan muxlislar yengil nafas oldi: 1:0, gol hisoblandi!
Natijada, qolgan vaqtlarda “Arsenal” hisobni tenglashtira olmadi va bu mavsumda Premyer-ligadagi ilk mag‘lubiyatini qabul qilib oldi. "Kanonirlar" bosh murabbiyi Mikel Arteta o‘yindan so‘ng jiddiy jahli chiqdi: ispaniyalik mutaxassis hakamlar Gordonning golini hisoblaganiga ishonolmadi.
"Agar bugun maydonda g‘alaba qozonishni istagan jamoa bo‘lsa, bu "Arsenal" edi. Bu [hakamlik] bilan Premyer-ligada ishlar yaxshi davom etmaydi. Men bu ishda ishtirok etishdan uyalaman. Bu golni inobatga olingani juda sharmandalik”, dedi Arteta.
