Kelayotgan hafta Osiyo chempionlar ligasi o‘yinlarida "Navbahor"dan oson g‘alaba kutayapman. Eronning grand jamoalaridan boshqa jamoalari O‘zbek klublariga jiddiy qarshilik qila olmagan. Har qalay O‘zbekistonning uchinchi jamoasiga Eronning o‘n to‘rtinchi jamoasi qarshi chiqadi.

OKMKga juda qiyin bo‘ladi. "Sepahon" Eronning doim katta jamoalaridan bo‘lgan.

"Nasaf"ning esa "Sharja"ga qarshi o‘yini raqibning qanaqa taktika tanlashiga bog‘liq bo‘ladi. Agar "Sharja" himoya yotib olib, qarshi hujumda o‘ynaydigan bo‘lsa, "Nasaf"ga juda qiyin bo‘ladi. Sababi, "Sharja" qarshi hujumda o‘ynashni juda zo‘r o‘zlashtirgan jamoa. Orqaga metin himoya qo‘yib, oldida qimmatbaho tezkor legionerlarga qo‘yib beradi. Ular esa bo‘sh zonalarni va xatolarni kechirmaydi.

Agar "Sharja" ochiq futbol taklif qilsa, "Nasaf"ga nisbatan oson bo‘ladi. "Nasaf" o‘zi ham futbol o‘ynaydigan jamoa va boshqalarga ham o‘ynashga beradigan jamoa. Lekin¸ oxirgi o‘yinlar shuni ko‘rsatyaptiki, "Nasaf"  gol urib olsa yopilib olyapti.

"Paxtakor" da esa ko‘p narsa sun’iy maydonga qanchalik tez moslashishiga bog‘liq. Sun’iy maydonda umuman boshqa o‘ylanadi.

Nima bo‘lganda ham jamoalarimizga omad tilab qolamiz.

Ravshan Salimov.