Келаётган ҳафта Осиё чемпионлар лигаси ўйинларида "Навбаҳор"дан осон ғалаба кутаяпман. Эроннинг гранд жамоаларидан бошқа жамоалари Ўзбек клубларига жиддий қаршилик қила олмаган. Ҳар қалай Ўзбекистоннинг учинчи жамоасига Эроннинг ўн тўртинчи жамоаси қарши чиқади.

ОКМКга жуда қийин бўлади. "Сепаҳон" Эроннинг доим катта жамоаларидан бўлган.

"Насаф"нинг эса "Шаржа"га қарши ўйини рақибнинг қанақа тактика танлашига боғлиқ бўлади. Агар "Шаржа" ҳимоя ётиб олиб, қарши ҳужумда ўйнайдиган бўлса, "Насаф"га жуда қийин бўлади. Сабаби, "Шаржа" қарши ҳужумда ўйнашни жуда зўр ўзлаштирган жамоа. Орқага метин ҳимоя қўйиб, олдида қимматбаҳо тезкор легионерларга қўйиб беради. Улар эса бўш зоналарни ва хатоларни кечирмайди.

Агар "Шаржа" очиқ футбол таклиф қилса, "Насаф"га нисбатан осон бўлади. "Насаф" ўзи ҳам футбол ўйнайдиган жамоа ва бошқаларга ҳам ўйнашга берадиган жамоа. Лекин¸ охирги ўйинлар шуни кўрсатяптики, "Насаф"  гол уриб олса ёпилиб оляпти.

"Пахтакор" да эса кўп нарса сунъий майдонга қанчалик тез мослашишига боғлиқ. Сунъий майдонда умуман бошқа ўйланади.

Нима бўлганда ҳам жамоаларимизга омад тилаб қоламиз.

Равшан Салимов.