“Jirona” La Liganing yagona peshqadamiga aylandi.
Kataloniya jamoasi shanba kuni “Osasuna”ni mag‘lub etdi (4:2) va ochkolari sonini 31taga yetkazdi.
12-tur oldidan “Jirona” bilan birinchi o‘rinni bo‘lishib olgan “Real” bugun o‘z maydonida “Rayo Valyekano” bilan durang o‘ynadi (0:0).
Hozirda "Jirona" turnir jadvalida peshqadamlik qilmoqda, "Real" (29) 2 ochko ortda qolmoqda.
Uchinchi o‘rinni ushbu turda “Real Sosyedad”ni (1:0) mag‘lub etgan va 27 ochko jamg‘argan “Barselona” band etgan.
Kuchli to‘rtlikni “Las-Palmas”dan uchralgan mag‘lubiyatdan so‘ng (1:2) 25 ochkosi qolgan, ammo zaxirada o‘yini bor “Atletiko” yakunlab turibdi.
