"Chelsi" vingeri Raxim Sterling so‘nggi 11 yil davomida Premyer-ligada eng ko‘p samarali harakat qilgan futbolchilaridan biri bo‘lib kelmoqda.
Dushanba kuni bo‘lib o‘tgan va "Chelsi"ning 4:1 hisobidagi g‘alabasi bilan yakunlangan "Tottenxem"ga qarshi o‘yinda angliyalik futbolchi golli uzatmani amalga oshirdi. 28 yoshli futbolchi 2012 yilning mart oyida debyut qilganidan buyon Premyer-liga o‘yinlarida 178 ta samarali harakat qildi, bu ko‘rsatilgan davr uchun beshinchi eng yuqori ko‘rsatkichdir, deya xabar bermoqda Squawka portali. Faqat Jeymi Vardi (180), Serxio Aguero (209), Muhammad Saloh (210) va Garri Keyn (259) o‘z jamoalarining gollarida Sterlingdan ko‘proq ishtirok etishgan.
Eslatib o‘tamiz, Raxim Sterling "Chelsi"ga o‘tishdan oldin "Manchester Siti" va "Liverpul"da o‘ynagan.
