"Челси" вингери Рахим Стерлинг сўнгги 11 йил давомида Премьер-лигада энг кўп самарали ҳаракат қилган футболчиларидан бири бўлиб келмоқда.

Душанба куни бўлиб ўтган ва "Челси"нинг 4:1 ҳисобидаги ғалабаси билан якунланган "Тоттенхэм"га қарши ўйинда англиялик футболчи голли узатмани амалга оширди. 28 ёшли футболчи 2012 йилнинг март ойида дебют қилганидан буён Премьер-лига ўйинларида 178 та самарали ҳаракат қилди, бу кўрсатилган давр учун бешинчи энг юқори кўрсаткичдир, дея хабар бермоқда Squawka портали. Фақат Жейми Варди (180), Серхио Агуэро (209), Муҳаммад Салоҳ (210) ва Гарри Кейн (259) ўз жамоаларининг голларида Стерлингдан кўпроқ иштирок этишган.

Эслатиб ўтамиз, Рахим Стерлинг "Челси"га ўтишдан олдин "Манчестер Сити" ва "Ливерпул"да ўйнаган.