"Liverpul"ning sobiq hujumchisi Roberto Firmino jamoaning yaqin o‘tmishda qanchalik kuchli bo‘lgani haqida gapirdi.
Braziliyalik futbolchi “qizillar” safida 2015 yildan buyon o‘ynab kelayotgan edi. O‘tgan mavsum oxirida u erkin agent sifatida klubni tark etdi, keyin Saudiya Arabistonining "Al-Ahli" klubi bilan shartnoma imzoladi.
“Liverpul” Yevropani va butun dunyoni zabt etdi va muxlislarga Premyer-ligada faqat g‘alaba kerak edi. Ishonchim komilki, biz pandemiya boshlangan 2020 yil martigacha eng yaxshi edik. Biroq fevral oyida “Atletiko” bilan o‘ynaganimizda, biz uchun juda qiyin bo‘ldi – Simeone o‘yinimizni yaxshi o‘rgandi. Mag‘lubiyat biz uchun shok bo‘ldi, o‘sha vaqtda o‘zimizni yengilmas his qilayotgandik”, - dedi Firmino.
