"Bavariya" hujumchisi Xarri Keyn joriy mavsumdagi o‘yini haqida o‘z fikrlari bilan o‘rtoqlashdi.

Angliyalik futbolchi Chempionlar Ligasi o‘yinida “Galatasaroy” darvozasiga ikki bor gol urib, jamoasiga 2:1 hisobida g‘alaba keltirdi. Hozir Keyn "Bavariya" safida 15 ta o‘yinda 19 ta gol va 7 ta golli uzatmaga mualliflik qildi, shu jumladan, eng nufuzli yevrokubokdagi 4 ta o‘yinda 4 ta gol va 2 ta golli uzatma.

"Men hayronman deb ayta olmayman, lekin juda xursandman", - dedi hujumchi.

Bugungi g‘alabadan so‘ng “Bavariya” Chempionlar ligasining 1/8 final bosqichiga muddatidan avval yo‘llanmani qo‘lga kiritdi.