«MYU» Chempionlar Ligasi guruh bosqichidagi to‘rtta o‘yinning uchtasida mag‘lub bo‘ldi. «Galatasaroy»ga qarshi bahsdan so‘ng Ten Xag o‘z fikrlarini bildirdi.
«Futbol - bu xatolarga qurilgan o‘yin, biz hamma narsani to‘g‘ri qildik demayman, lekin men ko‘p ijobiy tomonlarni ko‘rdim, hatto 10 kishi bo‘lsa ham o‘yinni diktasiya qildik.
Biz juda yaxshi o‘ynadik. Oxir-oqibat esa xafa bo‘ldik, ssenariy boshqacha bo‘lishi kerak edi. Yigitlarning munosabati zo‘r bo‘ldi.
Ular bir jamoa bo‘lib kurashdilar, maydondagi har bir qarich uchun yelkama-elka kurashdilar. Shuning uchun men jamoani tanqid qila olmayman», – dedi murabbiy.
