"Manchester Yunayted" muxlislari sevimli jamoalari bosh murabbiyi Erik ten Xagni tanqid qilishdi. Bir kun avval "qizil iblislar" Chempionlar ligasida "Kopengagen"ga imkoniyatni boy berishdi.
"Tvitter" ijtimoiy tarmog‘ida Ten Xagni zudlik bilan ishdan bo‘shatishga chaqiruvchi minglab xabarlar paydo bo‘ldi. "Manchester Yunayted" muxlislari jamoalari Yevropa ligasiga ham chiqa olmasligidan qo‘rqishadi.
"MYU" ayni damda Chempionlar ligasida o‘z guruhida oxirgi o‘rinni egallab turibdi. Ten Xag shogirdlarida 4 turdan keyin atigi uch ochko bor.