Madridning «Real» klubi bosh murabbiyi Karlo Anchelotti nega yarim himoyachi Arda Gyuler kecha Chempionlar ligasi guruh bosqichidan o‘rin olgan «Braga»ga qarshi o‘yinda «qirollik klubi» safida debyut o‘tkazmaganiga izoh berdi.
«Gyulerning debyuti? Biz ehtiyot bo‘lishga harakat qilamiz va tavakkal qilishni xohlamaymiz. U jiddiy jarohatdan so‘ng bor-yo‘g‘i to‘rtta mashg‘ulot o‘tkazdi.
Arda 100% tayyor bo‘lganda tez orada maydonga tushadi. U yosh, shuning uchun biz uni himoya qilishga harakat qilamiz», dedi Anchelotti matbuot anjumanida.
