Madridning «Atletiko» klubi matbuot xizmati «matraschilar» bosh murabbiyi Diyego Simeone bilan shartnoma uzaytirilganini ma’lum qildi.
Ispaniya poytaxti klubi rasmiy sayti xabariga ko‘ra, argentinalik mutaxassis 2027 yilgacha «qizil-oqlar»ni boshqaradi.
Kelishuv shartlari oshkor etilmagan. Xabar qilinishicha, argentinalik yangi shartnomani stadiondagi ofisda imzolagan, bu bayonotga ko‘ra, uning boshlagan loyihasining davomiyligini ko‘rsatadi.
Eslatib o‘tamiz, «Atletiko Madrid»ni boshqargan Simeone 12 yil davomida ikki marta La Liga, bir marta Ispaniya kubogi, ikki marta Yevropa Ligasi va UYEFA Superkubogini qo‘lga kiritgan. Uning hisobida UYEFA Chempionlar Ligasi finalidagi ikkita o‘yin ham bor.
