Мадриднинг «Атлетико» клуби матбуот хизмати «матрасчилар» бош мураббийи Диего Симеоне билан шартнома узайтирилганини маълум қилди.
Испания пойтахти клуби расмий сайти хабарига кўра, аргентиналик мутахассис 2027 йилгача «қизил-оқлар»ни бошқаради.
Келишув шартлари ошкор этилмаган. Хабар қилинишича, аргентиналик янги шартномани стадиондаги офисда имзолаган, бу баёнотга кўра, унинг бошлаган лойиҳасининг давомийлигини кўрсатади.
Эслатиб ўтамиз, «Атлетико Мадрид»ни бошқарган Симеоне 12 йил давомида икки марта Ла Лига, бир марта Испания кубоги, икки марта Европа Лигаси ва УЕФА Суперкубогини қўлга киритган. Унинг ҳисобида УЕФА Чемпионлар Лигаси финалидаги иккита ўйин ҳам бор.
