«Real Sosyedad»ning 2023 yilgi byudjeti rekord darajadagi 159,67 million yevroni tashkil qildi, deb xabar beradi MundoDeportivo.
Manbaga ko‘ra, 14 dekabr kuni soat 19:00da «Kursaal» konferensiya markazida bo‘lib o‘tadigan aksiyadorlarning umumiy yig‘ilishida klub o‘z byudjetini taqdim etadi, bu o‘tgan yilga nisbatan 22 million yevroga (14 foiz) ko‘p.
Asosiy daromad manbalari «Sosyedad»ning Chempionlar ligasidagi ishtiroki bo‘lib, yaxshi natijalar tufayli klubning noyabr oyidagi 34,8 million yevrolik raqobat daromadi bo‘yicha prognozini oshib ketdi.CHempionlar ligasi allaqachon 39 million yevro daromad keltirdi. Shuningdek, 2023/2024 moliyaviy yilda klub 76 million yevro oladi.
Tijorat daromadlari o‘tgan yilgi 12 million yevrodan 20,2 million yevroga ko‘tarilib, deyarli ikki baravarga oshdi.
Reklamadan tushgan daromad esa 4,7 million yevrodan 5,3 million yevroga ko‘tarildi. A’zolik to‘lovlari 10 million yevrodan 14 million yevroga ko‘tarildi.
12 o‘yindan keyin «Real Sosyedad» 19 ochko bilan Ispaniya chempionatida 7-o‘rinda bormoqda. «Jirona» peshqadam (31 ochko).
