Madridning “Real” klubi darvozaboni Kepa Arrisabalaga klub shifoxonasiga yotqizildi. Juma kuni Madrid klubi o‘zining rasmiy saytida 29 yoshli futbolchiga tashxis qo‘yilgani haqida press-reliz e’lon qildi. Tekshiruvda aniqlanishicha, Kepaning o‘ng sonining qo‘shimcha mushaklari shikastlangan.
"Los-Blankos" futbolchining tiklanish vaqtini aniqlamadi. Avvalroq matbuotda darvozabon 2-3 haftani o‘tkazib yuborishi haqida xabarlar tarqalgan edi.
Eslatib o‘tamiz, yozda Madridning “Real” klubi Tibo Kurtua jiddiy jarohat olgani uchun “Chelsi”dan Kepani ijaraga olgan edi. Ispaniyalik darvozabon “qaymoqranglilar” safida 13 ta o‘yinda, 10 ta gol o‘tkazib yuborgan.
"Real Madrid" hozirda La Liga turnir jadvalida ikkinchi o‘rinda bormoqda.
